Marlien van Heerden se gunstelingtema is mense – die kroon van die skepping. Passie, lojaliteit en begeertes … as 'n sosiale wese of as 'n individu. Sy probeer altyd die mooi vasvang – ’n oomblik van verwondering. Wanneer 'n kind iets nuuts ontdek, of in sy eie wêreld verdwyn te midde van die gewoel van mense. Vriende wat mekaar geniet en verbind is in 'n oomblik van tyd ... unieke kombinasies van gebare en gesigsuitdrukkings.